Patuan Bosar Singamangaraja Patriot Batak Toba Syahid Untuk Bangsa Negara dan Agama

Share
Ahu Putra Parsuratan XVI gelar Cutseiya. Roma ahu mandulo hamu Patuan Bosar Singamangaraja (tubu di Bakara, 18 Februari 1845 mangaraja 1876 mate di Dairi, 17 Juni 1907 diumur na 62 taon), hu lehon napuran tu hamu, ima tanda ni holong ni roha nami tu hamu. Tarbege hami do sejarah perjuangan muna, godang do barita na denggani hubege.

Di dok barita do ala najolo godang do pasukan muna akka Batak dohot ma akka halak Aceh, na dilehon hamu kepercayaan tu Patuan Nagari anakhon muna sipai sada.

Panglima mu na godang, akka Batak Toba ima:
1.Manase Simorangkir sian Silindung,
2.Rior Purba sian Bakara,
3.Ama Tobok Sinaga sian Uruk Sangkalan,
4.Ama Ransap Tinambunan sian Peabalane

Sian Parlilitan ima:
1.Pulambak Berutu,
2.Tepi Meha,
3.Cangkan Meha,
4.Pak Botik Meha,
5.Pak Nungkun Tinambunan,
6.Nangkih Tinambunan,
7.Pak Leto Mungkur,
8.Pak Kuso Sihotang,
9. Tarluga Sihombing,
10. Koras Tamba.
Na hebat na i muse, tardok do panglima muna sian halak Aceh ima:
  1.     Teuku Sagala
  2.     Teuku Nyak Bantal
  3.     Teuku Muhammad Ben
  4.     Teuku Mat Sabang
  5.     Teuku Nyak Umar
  6.     Teuku Nyak Imun
  7.     Teuku Idris.
Dang adong Simanjuntak hubege. Alai molo hubege barita marboru Simanjutak do hamu, nungga las ni roha molo hita on na marhula-hula do oppu. Ndang hubege nian molo hami Simanjuntak dibawah kekuasaan muna, alai molo huida perjuangan muna, hamu ma patriot na bosar i.

Adong muse hubereng di internet Cap muna mar huruf arab na mandok; Ahu Sahap ni Tuwan Singa Mangaraja sian Bakara, adong muse hata Hijrah Nabi 1304”, na marsilom do hamu ate oppu, dang botul hamu sipele begu ate. Molo songoni ma i baritana dihatahon molo hamu na marsahala, di dok halak muse na tahan pelor do hamu ate oppu, molo songon i tikkos mai ala tarbege do barita na heado lao hamu tu Aceh Keumala hira di taon 1887. Ahu pe nungga lao tusi, marfoto do au ditugu ni Cut Meutia, oppung ni boru na hualap i do oppu.

Mabiar do Bolanda i mambege barita muna nungga marsilom hamuna dohot anakhon muna i, dilului do hamu dohot sude anak boru muna manang tudia pe hamu lao, ala molo mangolu hamu, maksud ni Bolanda mangalehon agama impor nai boanna i boi tarhambat. Nungga boi disimpulhon, molo hamu mate, ndang holan alani bangso Batak manang negara on, tarlobi alani agama muna na marsilom i ate, syahid do hamu oppu, makkirim ma ahu tu hamu na Al-Fatiha.

Molo hu analisis, berhasil do Bolanda i mambaen Tano Batak i asa gabe marsalib sude tarsongon agama impor na di boan halak i dohot ma sibottar mata i namargoar Ingwer Ludwig Nommensen. Sampe saon nari pe, hebat do perkembangan parsalibon i di Toba, ndang sahat be sitta sitta muna mambaen agama na marsilom muna i. 

Unang pola sae manarita tondi muna oppu, ala lekket do agama parsalib i di baen Bolanda di Toba, dang tardok hata, songon diape di dokkon asa tarbukka roha ni halak toba i, dang tarusikkon be oppu, naso tarduga hu do, hupikkir nungga dilekkethon salib i di tugu muna, alai dung lao au mandulo hamuna ndang hubereng lekket salib di tugu muna i, holan ima denggani halak batak i, huhilala na segan dope halaki mamaksahon mangalekkethon salib i di tugu muna.

Alai tonang ma tondi muna oppu, molo ahu on adong di sabola muna do, marboru Aceh do au, hu hilala nungga boi mai mangargai panglima muna nasian tano Aceh i, hu boan do ditikki i rap mandulo hamu na, keturunan ni raja Aceh i do boru na hualapi, dibereng tondi muna do i ate oppu. Molo ganjang umur hu, taringothon tondi muna i ma ahu asa ro muse ahu mandulo hamu na, ate oppu, na ikkon rodo au muse oppu, mangalehon napuran dohot mar Al Fatiha ma ahu on tu hamu oppu.

Mamereng perkembangan on, di Tano Batak na so songon sitta-sitta muna, ndang hubereng dope mesjid na balga di Toba i, holan gareja do na adong ipe bantuan sian sibottar mata do i, on ma  hubaen posting on khusus marningoti hamu, Syekh Batak Toba.

Ahu ro mandulo hamu, ahu pomparan ni datu Mira natarbege nahasaktion, adong do sahala na di ahu, songon dia ma oppu datu Mira i na jolo, attar songoni ma na boi hubaen, alai dang hupaida i oppu, oloma sahali-sahali molo porlu hian. Boi do huparo udani dohot manjou goar ni Na Mula Jadi Na Bolon, boi do huparubat dohot tijur molo adong namarsahit, boi do hu porhas akka halak naso tikkos, boi do hu jou akka tondi manang pe mamulakhon tondi, boi do hubereng akka tondi, tarlobi boi muse do huhatahon sobba parsada hata.

Alai sude nai dang gabe hasobbongan di hangoluanku, ndang hudok muse molo ahu do si Raja Toba ditikkihu on, ala dang adong muse marpomparan hamuna di ahu oppu ala Sinambela do hamu, molo ahu Simanjuntak Parsuratan do. Alana sude anakhon muna dohot do mate ditikki parporongan muna i di huta Sionom Hudon i, ima: 
1. Patuan Nagari
2. Patuan Anggi
3. Boru Lopian.
Hu hilala holan hamu namai Singamangaraja, dang pola di ahu i oppu, muse dang hubereng parsadaan ni halak Batak on, sude halak mandok do molo halak Batak i sude nama gabe raja do dohot ma parsalibon na i ma na dihatahon gabe tukkot tondina, hape molo di ihutton ma asal na parsalibon i impor do i ate oppu na diboan sibottar mata i. Dungi muse nungga marsada nagori on gabe ma Republik Indonesia Negara Islam Terbesar di portibi on do oppu, sabotulna nungga sahat do sitta sitta muna, alai dang songoni di Toba i, tarlobi di inganan muna, huhilala dang hea adong tarbege hamu adong adzan ate oppu.

Songoni manian molo parsalibon i, sude halak namangoloi agama i, dijamin do attong molo nungga di hapus dosana sude, di jamin do masuk surga. Attar songoni hebat na, dang adong risiko di agama i, tanpa risiko do attong, dang porlu manajemen risiko di agama i, ahape dosana sude nungga tarhapus, ala kristusi di dok halak i nungga manobus dosa ditikki di salibhon, songoni ma kepercayaan na, alani i sude ma halak i marudur udur ro tu parsalibon i.

Molo namarsilom ikkon do adong masa paretongon, molo godang dosana, ba ikkon masuk neraka do attong, ditutung, disiksa asa ias sian dosa na, ba molo godang pahala na, jabbar na surga ma. Jadi resiko tinggi do attong. Molo parsalibon on, dang adong resiko, ala di dok nungga di tobus sude dosana sian tubu sahat tu hamamatean na, songoni ma hebat na, ise muse halak naso targiur mangihuthon ajaran on. Ba songon i ma gabe sude halak i mabiar do na Marsilom i, gabe ma dipillit agama na tabo i. Haduan molo sude halak nungga mate, ikkon rodo ari paretongan, disima muse tarbereng, bebas tanpa syarat do halak i, manang gabe ma isi narokko i. Manang hita na Marsilomon ma na mangisi narokko i.

Ai adong do istilah bebas tanpa dosa di hangoluan on, songon diama dalanna marpikkir. Songoni petahe ai dang adong labana molo pe halak i olo Marsilom, dang adong rugina molo pe halaki songon i sahat tu hamamatean na, alai unang majo marhata surgo dohot narokko i, boa muse siksa kubur molo mate ma halakta i. Ahama addung addung na molo nungga sahat di kuburan na, naso dipasahat do asa Marsilom, manang nungga mate roha ni halak i mamereng na Marsilom i. Holan Na Mula Jadi Na Bolon i ma sude jabbarta on hita pasahat oppu.

Ai ahu pe dang olo muse mandok asa halak Toba sude Marsilom, ala dang adong jaminan na asa langsung masuk tu surgo i ma muse halak Toba i, ala muse agama na marsilom ipe impor do i atong, holan perimbangan do naso hubereng di Batak on, molo adong ma ilmu na denggan, boasa halaki ai dang na olo mambuka rohana asa malo ma halak i songon diama na denggan manomba Na Mula Jadi Na Bolon i, asa gabe ma tano Batak i, unang holan sanggar dohot sappilpil, asa godang ma ro rahmat, hidayah dohot karunia sian Na Mula Jadi Na Bolon i, asa lungun roha ni akka Batak na di pangarattoan on mulak tu huta ta. Unang holan namarmusuhi molo mamereng na Marsilom on, ai sude na i boi do diparsiajari, boi dipillit diama na undenggan dihangoluan ni halak ta. Ise muse do halak Batak na olo makkirim Al Fatiha tu hamu oppu, ai pomparan muna pe dang hea hubege adong na Marsilom, ai molo hupikkiri ala di  internet pe gabe do didok molo songon na Marsipele begu ma didok hamu na. Huhilala molo ikkong mangolu muse ma hamu saonnari on asa percaya halak i, molo na Marsilom do hamu oppu. Alai dang mukkin i oppu, lokma songoni, songoni nama jabbar na. Ahape didok holan halak i nama na undenggan tarlobi na botul di portibion dang di attusi molo parsalibon pe impor do, Marsilom pe impor do, molo malo halakta i, marguru ma, mabbuka pikirian dohot rohana, songon na tardok molo halak Batak Toba i malo malo sude, asa tarboto ma sude aha ma rahasia banua ginjang, banua tonga dohot banua toru.

Proses Posting-Edit masih berlanjut sampai tuntas dengan cara langsung marhata tu oppu i. 
Tags: , , , , , , , , , , , , ,

Written by

For everyone in the world and especially to those of you who might have been just to utilize this website for information according for your needs. We have to thank you for your visit.

0 comments:

Post a Comment

 

Recommended items

Recent Posts

Copyright Cut Seiya Bara | Designed by Cutseiya.com